Покровско-Казанский Божией Матери приход
Русская Православная Церковь • Патриаршие приходы в Канаде

button ru_lang button eng_lang

Дорогой наш Владыко, с Днем Рождения!

IovKashira_mini1

Ваше преосвященство, дорогой Владыко Иов,

примите наши искренние поздравления с Днём Вашего Рождения!

Желаем Вам крепкого здоровья и Божией помощи в нелегких трудах на благо укрепления веры Православной в землях Северной Америки!

Многая лета, Владыко!

 

 

МОЛИТВА АРХИЕРЕЯ В ДЕНЬ РОЖДЕНИЯ ПРЕМИЛОСЕРДНОМУ ГОСПОДУ НАШЕМУ ИИСУСУ ХРИСТУ

 

О, Премилосердный и Человеколюбивый Господи Боже наш! От грешныя души своея и от убогого сердца своего приношу Тебе хвалу и благодарение в сей день рождения моего, яко благоволил еси от младенчества до дне сего хранити и соблюдати мя, яко Отец Чадолюбивый.

Первее благодарю Тя, яко призвал мя на служение Тебе, Святей Церкви Твоей в чине иночестем, отстранив вся искушения и соблазни мира. Но Ты, Милостиве, более сего соделал надо мной, многогрешным, и недостойным, и многими страстьми оплетенным: не точию сана священнического удостоил еси, но, и о чем же помыслити не дерзал, украсил и величайшей степенью Святительства. Како возблагодарю Тя за сие? Слово изнемогает и точию серце благодарное вопиет Тебе: слава Тебе, Боже, слава Тебе, Спасе, слава Тебе, Милосердне!

Но Господи, мой Господи, не о себе едином токмо молю аз ныне, но и о всех, их же дал еси мне, яко Твои суть: о всей пастве моей, о юных и старых, о мужах и женах. Соблюди их во имя Твое, сохрани в вере и благочестии, огради от соблазнов и искушений, избави от скорбей и болезней, утиши рыдания и стоны, облегчи страдания и помози требующим Твоея помощи! Доведи целы и совершенны до христианския кончины жизни, безболезненны, непостыдны, мирны и даждь нам всем добрый ответ на Страшном Судищи Твоем, да представ пред Тобою, возглаголю Тебе: Правосуде Господи, се аз и дети, их же дал еси мне! Приими нас всех под вечный кров Твой, простив нам наши грехи вольные и невольные, словом и делом содеянные.

О сем ныне молю и в помощь моему немощному молению призываю преподобного Вукола, епископа Смирнского, преподобных Варсонофия Великого и Иоанна пророка, святителя Фотия, патриарха Цареградского, их же память совершаем, святого мученика Виктора Коринфского, от рождения и Крещения охранявшего мя, преподобного Иова, игумена и чудотворца Почаевского, в монашестве наставляющего мя, и всех Святых. Наипаче же всех Тебя молю, Радосте моя и Надеждо, Стено Нерушимая, Умягчение злых сердец, Пречистая Дево, любвеобильная Мати наша, приими нас всех в Твои материнския руце и доведи до вечных радостей света и блаженства в Царстве Божественного Сына Твоего, Ему же купно со Отцем и Святым Духом возсылаем славу, честь и поклонение во веки веков. Аминь.

[Источник: Митрополит Трифон (Туркестанов), «Храм Божий — это земное Небо». Спасо-Преображенский Мгарский монастырь, 2006 (репринт), с.191-121]

Молитву Архиерея можно прочитать здесь